Setja upp stað til bókunar

Með Bókun rýma geta viðskiptavinir bókað velli, sali og aðra aðstöðu félagsins á netinu og greitt fyrir fram. Hér er sýnt skref fyrir skref hvernig staður er settur upp.

Dæmi: þú vilt leigja út tvo padelvelli eftir klukkustundum, mánudaga til sunnudaga frá 9:00 til 22:00.

1. Byrjaðu nýjan stað

1. Smelltu á staðartáknið í valmyndinni til vinstri til að opna Bókun rýma og opnaðu flipann Staðir.

   
   

2. Smelltu á Nýr staður og veldu Byrja frá grunni (leidd uppsetning með skynsamlegum sjálfgefnum gildum).

Uppsetningin hefur fimm hluta vinstra megin. Forskoðun hægra megin sýnir hvernig staðurinn birtist viðskiptavinum. Neðst sést hve margir nauðsynlegir hlutar eru búnir.

2. Upplýsingar

• Fullt nafn staðarins.

• Tegund, t.d. Padelvöllur, Fótboltavöllur, Innanhússhöll eða Fundarherbergi. Með Merking tegundar geturðu sýnt viðskiptavinum eigið heiti, t.d. „3G-völlur“.

• Heimilisfang og Lýsing: það sem viðskiptavinir þurfa að vita áður en þeir bóka.

• Myndir af staðnum (allt að 8).

• Bankareikningurinn sem greiðslur fyrir bókanir á staðnum fara inn á.

3. Rými

Sjálfgefið er að allur staðurinn sé bókaður sem ein eining. Ef hægt er að bóka hluta hans sér, t.d. völl 1 og völl 2, bætirðu við rými fyrir hvern og einn. Þú getur líka sett hámarksfjölda gesta.

4. Bókunarstillingar

• Lengd tímahólfs (t.d. 1 klukkustund), hversu oft tímahólf byrja (t.d. á 30 mín. fresti), Lengsta bókun og, ef við á, Hlé milli bókana til frágangs.

• Bókunartímabil: hversu langt fram í tímann viðskiptavinir geta bókað, og lágmarksfyrirvari áður en bókun hefst.

• Staðfesting bókunar: bein bókun, eða samþykki þar sem þú ferð yfir hverja beiðni og viðskiptavinurinn er ekki rukkaður fyrr en þú samþykkir.

• Hverjir mega bóka: allir, eða aðeins félagsmenn.

• Afbókunarskilmálar: ókeypis afbókun fram að ákveðnum tíma fyrir bókun, eða engin afbókun.

5. Lausir tímar og verð

• Lausir tímar: opnunartímar fyrir hvern dag. Notaðu Bæta við tímum fyrir skipta tíma, og sérstaka tíma fyrir lokunardaga, aðra opnunartíma eða tíma frátekna fyrir félagsmenn.

• Grunnverð: verð fyrir hverja bókun (ein bókun tekur allt tímahólfið) eða fyrir hvern einstakling (fleiri geta deilt tímahólfi), og VSK. Verð eru með VSK.

• Verðreglur: annað verð á ákveðnum tímum, dögum eða fyrir félagsmenn, t.d. hærra verð á kvöldin eða lægra verð fyrir félagsmenn.

6. Viðbætur

Smelltu á Bæta við viðbót til að bjóða aukahluti með bókun, t.d. spaðaleigu eða bolta.

7. Búðu til staðinn

Þegar allir nauðsynlegir hlutar eru búnir smellirðu á Búa til stað. Staðurinn birtist á síðu félagsins, sem þú opnar með Skoða í verslun.

Ábending

Byrjaðu með samþykki á bókunum ef þú ert ný/r í netbókunum. Þú getur skipt yfir í beina bókun síðar.

Athugið að sum heiti í bókunarstillingum eru enn á ensku í Askju.

Tengdar greinar

• Umsjón með bókunum í dagatalinu

• Skýrslur um bókanir

• Áminningar um bókanir og opinbera síðan