Búa til tímaplan

Tímaplan er vikuleg stundaskrá yfir tíma sem hægt er að bóka, t.d. spinning, jóga eða CrossFit. Meðlimir bóka sér pláss í hverjum tíma í Abler-appinu, og þú stjórnar því hvenær skráning opnar og lokar, hve margir komast að og hverjir mega bóka.

Dæmi: spinningtími alla mánudaga kl. 08:20 með pláss fyrir 20 manns, þar sem skráning opnar daginn áður.

1. Opnaðu tímaplanið

1. Smelltu á Tímaplön í valmyndinni til vinstri.

2. Veldu deildina sem tímarnir tilheyra.

3. Smelltu á Búa til nýtt.

2. Fylltu út stillingar tímans

Vinstra megin, undir Stillingar:

• Nafn tíma: t.d. „Morgunspinning“.

• Upplýsingar um tíma: stutt lýsing sem meðlimir sjá í appinu.

• Staðsetning: hvar tíminn fer fram.

• Flokkur: flokkurinn sem tíminn tilheyrir.

• Aðgangur: hvaða aðgangur veitir rétt til að bóka, t.d. líkamsræktaráskrift.

• Æfing: æfingaáætlunin sem tíminn tengist.

• Skráningarskilaboð: skilaboð sem meðlimir sjá þegar þeir bóka.

3. Settu tímana inn í vikuna

1. Smelltu á vikudagatalið á þeim degi og tíma sem tíminn hefst. Tímanum er bætt við, t.d. MÁN 08:20 – 09:20.

2. Í glugganum sem opnast velurðu Þjálfara.

3. Stilltu hvenær Skráning opnar (t.d. 1 degi fyrir viðburð) og hvenær Skráning lokar (t.d. 1 klukkustund fyrir viðburð). Skráningartímalínan sýnir hvenær skráning opnar, lokar og hvenær kennsla hefst.

4. Hakaðu við afskráningarfrest ef meðlimir mega aðeins afskrá sig fram að ákveðnum tíma áður en tíminn hefst.

5. Stilltu lágmarks- og hámarksfjölda þátttakenda og, ef við á, undirhóp.

6. Smelltu á Lokið. Endurtaktu fyrir hvern tíma vikunnar.

4. Vistaðu

Smelltu á Vista. Tímarnir birtast í Abler-appinu og meðlimir með réttan aðgang geta byrjað að bóka.

Gott að vita

• Ef þú eyðir tímaplani eru allir tímar framundan í því felldir niður. Það er ekki hægt að afturkalla.

• Æfingar dagsins eru settar inn undir Tímaplön → Vikuáætlun.

• Hægt er að setja meðlimi í skráningarbann ef þeir mæta ítrekað ekki í bókaða tíma.

Tengdar greinar

• Birta daglegar æfingar

• Stillingar fyrir tíma og bókunarbann